Dibrugarh, Nailur 07 : Ka kynhun ki nonglute kila pynpra ia ki artylli ki ATM kiba don hapoh ka sor rit Barbaruah kaba hapoh Dibrugarh district bad lute haduh T. 45.31 lak ha ka jingjia kaba la jia ha kane ka miet sngi Nyngkong bala lah.
Katkum ka khubor pulit, kine ki nonglute kila lute na ki artylli ki ATM kiba dei jong ka SBI bad ka PNB bad thang noh ruh ia kine ki ATM machine khnang ban pynduh ia ki sakhi satar. Kine ki artylli ki ATM ki don ia ka pisa T.14.8 lak bad T. 30.51 lak.
La suba jur ba kine ki nonglute kila pyndonkam da ki jingot kiba la pyndonkam da ka gas (gas cutters) nalor kiwei pat ki tiar na ka bynta ban leh ia kane ka kam lute.
“Ha ka por kumba 1:30 hadien ba ngla ioh thiah lyngngan Nga la ioh sngew ia kaj ingmsa ing waiar.Da kaba tharai ba ka lah ban dei ka jingshort circuit Nga la mih shabar na la ka jong ka iing bad iohi ia ka tdem iong kaba mih na ki artylli ki ATM kiba don ha ka surok NH-37 hajan ka iingsah jong nga.Ki jingkhangj ong ki ATM kila julor.Mardor Nga la pyntip shak i pulit bad ka tnat bording nalor ka kali pynlip ding,” ong uwei na ki nongshong shnong.
Na ka liang u Additional superintendent of police (HQ) ka Dibrugarh, u Bitul Chetia ula ong, “Kane ka dei ka rukom treikam bathymmai jong ki nonglute lyngba ki ATM ha ka thain shatei ka Assam.Kine ki runar kila lute na baroh ki artylli ki ATM bad pynjulor noh ia ki sakhi satar da kaba thang noh ia kine ki ATM.Haduh kumba T.45 lak la lute na kine ki artylli ki ATM.Ngi la iaid shakhmat ban pynlong ka jingtohkit.”
Nalor kata ula ong ruh; “Ngi suba jur ba ki runar kiba donkti ha kane ka kam pyntriem kidei na kiwei pat ki jylla.Ha ka jingjia kaba la dep, ka kynhun ki runar kiba la leh ia kiba kum kine ki kam lute napoh ka ATM kila shah kem noh ha Rangia.Ki pulit ka Assam kila ioh ban kem ia kiba kum kine ki nonglute ATM napoh Rangia bad Hojai hapoh Assam.
