Nongpoh, Lber 31: Palat 60 tylli ki Iing kila julor na ka jingsyllad jong ka ‘Erlangthari kaba wan ha ryngkat u lapbah bad u phria hapoh ka thain Western Ri-Bhoi hynne ka janmiet.
Kat kum ka jingpyntip u Block Development Officer (BDO) ka Jirang C&RD Block Dr Pabitra R Hajong, la ong ba kane ka erlangthari, kala jynrat ia kiba bun ki Iing ha ki shnong bapher bapher kiba hap hapoh ka Jirang Constituency.
Ula pyntip ha kane ka jingjia, kawei ka longkmie kaba la tip kyrteng ka Khuni Killing, kala mynsaw.
Une u Ophisar u pyntip ba ki shnong kiba la shah ktah jur eh ha kane ka jingwan lynshop ka ‘erlangthari ki kynthup ia ka shnong Umsalani bad ka Umsaliang. Na kine ki shnong, la ioh jingtip ba ka jingpynjulor kala jia ruh ha ka shnong Nongrim Jirang.
U Deputy Commissioner ka Ri-Bhoi Arpit Upadhyaya ula pyntip ba ki iing kiba la shah pynjulor ki la kiew sha ka palat 60 tylli ha ka thain Patharkhmah Civil Sub Division.
Ula pyntip ba ki briew kiba la shah ktah ha kane ka erlangthari kila don kumba 200 ngut eiei bad ia kine ki briew la pynsah mynta ha ki Iingdorbar Shnog bad ki skul kiba hap hapoh ka Sub Division.
Kat kum ka khubor, la iathuh ba bun ki iing ki sem kila shah jynrat ki tnum iing ha kane ka erlangthari bad bun ki dieng ki siej kila khyllem ha kane ka thain.
La ioh jingtip ruh ba ka surok kaba leit sha ka shnong Umsaliang, ka la shah khangdam syndon na ka jing khyllem kiba bun ki dieng ki siej ha ka ‘erlangthari kaba la wan kynsan kynsan mynta ka sngi.
Nka liang u BDO, u la bthah ia ki nongialam jong ki shnong kiba shah ktah ba kin lum jingtip halor ki jingpynjulor ha ki shnong ki thaw ki jongki bad kyntu ruh ia kito kiba shah pynjulor ia ki ing ki sem ba kin sah shwa shipor ha ki ing skul haba pyntip ba na ka liang ki bor sorkar ki dang ialeh ban pynbiang ia ki lad ai jingiarap ba kyrkieh.
Ha kane ka sngi la sakhi ruh ia ka jinghap jong u phria ha kiba bun ki shnong ki thaw jong ka thain Nongpoh uba neh kumba 5 minit eiei.
Ha sor Tura ruh, bun bah ki dieng kila shah jynrat naduh tynrai bad bun ki tnum iing kila shah jynrat ha ka lynter.
Kat kum ka khubor la ioh jingtip ba ka jingther u slap kala jia ha baroh kawei ka Jylla kynthup ha Nongbah Shillong.
 ka Jirang C&RD Block Dr Pabitra R Hajong, la ong ba kane ka erlangthari, kala jynrat ia kiba bun ki Iing ha ki shnong bapher bapher kiba hap hapoh ka Jirang Constituency.){kind=link}