Shillong, Risaw 20 : Ka kynhun ialehkai cricket ka Jylla Meghalaya kala pynliem ia ka Arunachal Pradesh da 49 run ha ka lympung ialehkai Syed Mushtaq Ali Trophy T20 tournament kaba long hynne ka sngi palei ha Mohali.
Ka Jylla Meghalaya kala shah rem ha ka jingkynting pisa bad kala shah phah tied nyngkong hynrei kane kala iarap pynban da ka jinglah ban kamai bun runs. Ka Jylla kala lah ban kamai 167 runs bad hap 5 wicket ha ka 20 over.
Haba beh ia ka thong, ka Arunachal Pradesh kala lah ban kamai tang 118 run bad hap haduh 8 wicket ha ka 20 over.
Ka Meghalaya kan iakhun ia ka jingialehkai ba khatduh pyrshah ia ka Kerela ha ka sngi saitjain.
