Shillong, Risaw 11 : Ka kynhun ialehkai ka Meghalaya kala lah ban pynliem ia ka kynhun ialehkai ka Jammu and Kashmir da phra wicket ha ka jingialehkai ba nyngkong jong ka kynhun ha ka Syed Mushtaq Ali Trophy T20 tournament ba long ha Mohali hynne ka sngi ba-ar.
Ia kane ka jingiakhun la hap ban pynlong tang khyndai over namar ka jingthut ka suin bneng hynrei ka jingkynting pisa la jop da ka Meghalaya kaba la jied ban apbol nyngkong.
Haba beh ia ka thong ba 82 run ban jop, ka Meghalaya kala duh ia u Raj Biswa uba kamai nod bad Chirag Khurana ba kamai tang 2 run. Hynrei u Punit Singh Bisht uba wan hadien ula neh haduh kaba kut bad lah ban kamai haduh 51 runs tang hapoh ka 23 run lem bad u Lerry Sangma uba la kamai 23 run tang ha ka 13 tylli ki bol ba kynthup ia kawei ka 6 bad artylli ki 4.
Ka jinglah ban ialehkai bha jong kine ki arngut kala ialam ia ka Meghalaya ban ioh ia ka jingjop ia kane ka jingiakhun ba nyngkong.
Ka Meghalaya kan iakhun sa ia ka Haryana ha ka sngi Balang. Ka Haryana kala jop da I run pyrshah ia ka Services ha ka jingiakhun ba long hynne ka sngi ba-ar.
Ka kynhun ialehkai ka Meghalaya: Raj Biswa, Kishan Lyngdoh, Rohit Shah, Punit Singh Bisht (guest professional), Dippu Ch Sangma, Chirag Khurana (guest professional), Rajesh Bishnoi (guest professional), Lerry G Sangma, Yogesh Tiwari, Anish Charak, Kilco Marak, Abhishek Kumar, Riboklang Hynniewta, Swarajeet Das, Chengkam Sangma
Support staff: Dheeraj Jadhav (head coach), Moisten Ch Marak (assistant coach), Himmat Singh (strength and conditioning coach), Surojit Biswas (physio).
Meghalaya fixtures:
vs Jammu and Kashmir, 11 October
vs Haryana, 12 October
vs Karnataka, 14 October
vs Maharashtra, 16 October
vs Services, 18 October
vs Arunachal Pradesh, 20 October
vs Kerala, 22 October
