Shillong, Risaw 27: Ka jylla Meghalaya kala rem biang hynne ka sngi ha ka jingiakhun kaba khatduh jongka Syed Mushtaq Ali Trophy 2023 T20 Tournament kaba la long ha Jaipur, ha kaba ka Baroda kala pynliem ia ka Meghalaya da 7 Wiket.
Ka Meghalaya kala tied nyngkong bad kamai tang 65 runbad hap 8 wiket, katba ka Baroda kala jop ia ka jingiakhun ha ka 5.2 Over bad hap tang 3 Wiket.
U Anish Charak ula kamai 19 run bad ym shim la Out, u Lerry Sangma ula kamai 16 run katba u Akash Kumar Choudhary ula kamai 10 run.
Ha ka jingleit ban kawang bol, u Rajesh Bishnoi ka Meghalaya ula ioh 2 wiket bad ai 25 run, katba u Charak ula ioh 1 wiket.
Ha kawei pat ka liang, lashai ka sngi, ka kynhun ki kynthei jongka Meghalaya kan iakhun pyrshah ia ka Saurashtra ha ka Senior Women’s T20 Trophy.
Dang ha ka sngi Palei, ka Meghalaya kala shah pynrem ha ka Chandigarh da 104 run.
