Shillong, Risaw 27 : KI Pulit ka East Khasi Hills, kila ioh ban kem biang sa saw ngut ki nongdawa pisa jubor na ki nongkhaii ha Shillong ba kynthup ia kawei ka Kynthei.
Ia kine ki briew la iohkem da ki Pulit ka Special Cell ka District na Palace Hotel, Barabazar. Na ka met jong kine ki briew la ioh ban kurup ia ki receipt bad kawei ka kot “Ki Khlur u Hynniewtrep”.
Ki Pulit kila ioh pdiang ruh ia ka ejahar ba pynpaw ba kine ki briew kila dawa pisa haduh T. 15,000 ha ka janmiet 26 tarik Risaw bad kila leit ruh ban lum ia kane ka pisa ha kane kajuh ka sngi.
Ki Pulit kila register case ia kine ki briew ha Lumdiengjri Police Station hapoh ka kyndon 384/506/34 IPC.
