Shillong, Nov 21: Ka Senior Men’s Team jong ka Meghalaya kan mad iaka jingkylla na ka jingiakhun ia ka First-Class Ranji Trophy sha ka T20 Cricket ha kaba kin iakhun ha ka sien kaba nyngkong ia ka Syed Mushtaq Ali Trophy 2024-25 pyrshah ia ka Hyderabad ha ka sngi Saitjain.
Kumba long kiwei kiwei ki dkhot jongka BCCI, ka Meghalaya Cricket Association kala iashimbynta ha ka Ranji Trophy hynrei ia kane la pynsangeh noh shwa bad mynta yn jam noh sha kaj ingialehkai Cricket kaba duna ki Over, ha kaba ka T20 SMAT kan wan hakhmat mynt.
Ki jingiakhun ka Meghalaya kin long ha Rajkot, Gujarat, ha kaba kan iakhun pyrshah ia ka Hyderabad ha ka 23 tarik u Naiwieng, ha ka 25 tarik kan iakhun pyrshah ia ka Madhya Pradesh bad haka 27 tarik u Naiwieng kan iakhun pyrshah ia ka Bihar.
Ka kynhun jong ka Meghalaya na ka bynta kitei ki 3 tylli ki jingiakhun ki kynthup ia u Aryan Borah, Akash Kumar Choudhary, Anish Charak, Arpit Bhatewara, Arien B Sangma, Dippu Sangma, Himan C Phukan, Ibitlang Thabah, Jaskirat Singh Sachdeva, Lerry G Sangma, Ram Gurung, Roshan Warbah, Robert Sangma, Swarajeet Das, Wanlambok Nongkhlaw.
Ki nongialehkai kiba la pynap lypa ne Standby ki kynthup ia u Chengkam Sangma, Riboklang Hynniewta, Chaman Pushp, Yogesh Tiwari bad u Pringsang Sangma. Katba ki Support Staff ki kynthup ia u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer) bad u Monoronjon Momin (Manager).
