Shillong, Nailur 09 : Ka skul Mynken Christian Higher Secondary School, Ri-Bhoi District, Meghalaya, kala ioh rung sha ka phainal jong ka U-17 Subroto International Cup 2024.
Kane ka kynhun na Meghalaya kala pynliem kput ia ka skul na Arunachal Pradesh haduh 7-0 kol ha ka jingiakhun semi-phainal ba long hynne ka step sngi Nyngkong ha Tejas Camp, Delhi.
U samla Banganson ua ioh ban thep hatrick ha kane ka jingiakhun bad u dei ruh u rang ialehkai uba la ioh thep ia ka kol ba nyngkong ha ka minit ba 21.
Ka Mynken kala tam ia ka skul da 2-0 kol ha ka kylla step jong ka jingiakhun lyngba ki kol jong u Banganson uba la ioh biang ban pynkhih ia ka jar ha ka minit ba 35.
U samla Alicestar ula ioh ban the par kol bad u Mebanlamlynti bad Mebankhraw kila ioh ban thep mar shikol.
Kane ka kynhun ialehkai ka Meghalaya kan iakynduh ia ka skul na Manipur, kaba la jop ia ka semi-phainal pyrshah ia ka Srilanka.
