Nongpoh, Naitung 17: U District Sports Ophisar ka Ribhoi District, Bah Bobby L Nongbet u la pynpaw ïaka jingkmen hadien ba ki lai tylli ki skul kiba la mih khmat naka District sha ka State Level Inter School Subroto Cup kaba la long ha Nongbah Shillong ki la lah ban khur syndon ïaka jingjop ha baroh lai tylli ki kyrdan.
Kine ki skul ki dei ka Christian Hr. Sec. School haka kyrdan Under 17 ki kynthei, ka Mynken Christian Higher Secondary haka kyrdan under 17 ki shynrang bad ka , Nongjri Presbyterian Secondary School haka kyrdan Under 15.
Kine ki lai tylli ki skul na Ri-Bhoi kin leit mihkhmat ia ka Jylla sha ka National Level ka ban sa long shen ha nongbah Delhi bad Bangalore.
U Bah Bobby u la ai khublei ïa baroh ki ba la don bynta ban pynlong ïa kitei ki skul ban poi sha ka thong. U la ai khublei ruh ïaki Principal jong kitei ki skul kiba la ïa snohkti lang bad ka ophis DSO bad khamtam ïaki khynnah kiba la treishitom ban rah ïaka nam jong ka Skul bad ka Ribhoi hi baroh kawei.
U la kyntu ïa kitei ki khynnah ïalehkai ba kin sdang noh ban pynkhreh bha pat naka bynta ka National Level naba katei ka lympung kaba heh kan sa sdang noh shen bad kin don ruh ki kynhun kiba nabar la ri kin wan ban ïa shimbynta ha katei ka Subroto. U la kitbok ruh ba kin Don barabor haka met kaba shait bad kaba khlaiñ khnang ba kin ïoh ban kilan met bha hashwa ban leit ïa shim bynta sha ka National Level namar.
