-->

Aipor 7 sngi ka KSU ia u DyCM halor ka Mandir ha CBI | Tynruh ia ka Meghalaya House bad liengsuin Silchar

Date:

Share post:

Shillong, Naiwieng 16 : Ka Khasi Students’ Union (KSU) ha ka sngi Nyngkong kala ai notice sha ka Sorkar ha ki ar bynta-ka jingdawa ban leh eiei hapoh 7 sngi halor ka jingtei Mandir hapoh ka jaka ka CBI ha Mawdiangdiang bad ka jingkyntur bad shna ia ka Meghalaya House ha Silchar bad ka jingwanrah biang ia ka liengsuin ba pyniasoh ia ka Silchar-Umroi.
“Ngi la iakynduh ia u Bah Sniawbhalang Dhar halor artylli ki kam ba iadei bad ka jaka pule ha Silchar, Assam, khnang ba ngin lah ban buddien bad pynthikna ba kin urlong” ong u Education Secretary ka KSU Alarick Kharjana.
Ka jingdawa ba nyngkong ka long ka Meghalaya House ha Silchar. U samla Alarick ula ong ba ka KSU kala kren sha ki paid Khasi ba sah ha Barak Valley, kila pynpaw ia ka jingsngewkhia halor ka jingbym biang ki lad pyniasoh surok lyngba ka Jaintia bad ka jinglapmiet ka dheng kali.

Advertisement

“Na ka Union, ngi la lah ban kren sha ki paradoh parasnam jong ngi ha Barak Valley, bad kila pyntip sha ngi ba bunsien haba ki leit jingleit, ka surok sha Silchar lyngba ka Jaintia bad ka surok ka long kaba sinew bha, bad bunsiem ka lapmiet ka dheng kali” ula ong.
“Kumta, khnang ba kin ioh ia ka jaka ban sah, ngi la pynsngew ba ka dei ban don ha Meghalaya House ha Silchar bad na ka liang u Symbud Myntri Rangbah, ula ong ba hadien 3-4 snem, un sa iakynduh ia ka GAD ban iakren ia kane ka kam” ula iathuh.
Ka mat kaba ar ka dei ka liengsuin ba pyniasoh beit beit na Silchar sha Umroi, kaba la sangeh ha u snem 2024. U samla Alarick ula ong ba ka liengsuin ka hap hapoh ka UDAN, ka Regional Connectivity Scheme, ka skhim ka sorkar pdeng kaba pyniasoh ia baroh ki Jylla ka thain Shatei Lam Mihngi.

“Ngi la ioh iakren bad u Bah Sniawbha bad ula mynjur bad ong ba na ka liang jong u, yn sa pyrshang biang ban wanrah ia kane ka skhim ka sorkar pdeng, bad un sa iakren bad ka Ministry ba dei khmih halor kane ka kam. Ngi ngeit skhem ba u Symbud Myntri Rangbah un lah ban pynurlong ia baroh kine kiei kiei” ula ong.
Ha kawei pat ka shithi bala aiti sha u Bah Sniawbha, ka KSU Shillong Mihngi Circle kala pynsngew ia ka jingsngewkhia halor ka jingtei ia ka mandir hapoh ka jaka sorkar bala aiti sha ka CBI ha Mawdiangdiang.

Ka KSU ka ong bai a kane ka jaka la aiti na ka bynta ban shna ia ka Office-cum-Residential Complex hapoh ka soskular aiwai bala iasoi ha ka 14 tarik Naiwieng, 2018, bad kdew ia ka Clause 10, kaba ong ba u nongshimwai um dei ban tei ia kano kano ka jingtei, lane pynkylla ia kino kino ki jingtei bala pynieng ha katei ka jaka, khlem da ioh jingbit na ka Agency.
Ka KSU kala buh jingkylli ia ka jingbatai ka CBI ia kane ka jingtei kum ka Community Hall-cum-Multi Purpose Hall ba heh kumba 500 sqft, kaba thmu beit tang na ka bynta ki nongshongshnong jong ka CBI Residential Complex, bad ong ba kam dei satia ka temple.

Advertisement

“Ka KSU kam khein satia ia kane ka jingbatai ba kala biang ban pynbeit ia kane ka kam. Ka seng ka don ia ki dur kum ki sakhi, kaba pynmih ia u dak jingkylli ia ka rukom long jong ka bad ka jingthmu ban pyndonkam ia kane ka jingtei” ong ka shithi. “Namar kata, ngi kyrpad ia ka Tnad ban shong bishar ia ki dur ki dar bad pynshisha ia ki jingtei ha katei hi ka jaka”.
Ka KSU kala ong ba kam don jingtip satia ia kano kano ka jingleit jngoh jong u Director ka Urban Affairs lane ki Ophisar ba dei khmih ia kane ka jingtei, bad kylli balei ka tnad ka dang shaniah beit ha ka jingbatai da ka jingthoh ka CBI khlem da leit pynshisha.

Ka KSU kala pan jingpynshai la kala don ne em ka jingiasyllok bad ka Makasing Dorbar, ka Dorbar Shnong jong ka thain, hashuwa ban tei ia ka jingtei.
Kala dawa ia ka jingleit jurip lang ba kynthup ia ka Tnad Urban Affairs, NSTDA, KLSU bad ka Mawkasing Dorbar, ban bishar ia ka rukom long jong ka jingtei, ka jingheh, ka plan bala mynjur, ka jingbit bad ka jingbud ryntih ia ki kyndon aiwai.

Share post:

-->
spot_img

Popular

More like this
Related

Cherry Blossom 2026 | Ka Shillong ka dei ka Music Capital ka India, ym tang ka Rock Capital : Paul

Nang tei ka Meghalaya ia ka concert economy Shillong, Naiwieng...

Pan jingiarap ki Pulit ban lapdien ia ka longkmie 23 snem ba jah na Shillong

Shillong, Naiwieng 16 : Ki Pulit ka East Khasi...

Kyntait ki nonghikai deficit ia ka shithi u CM | Pynbteng ia ka jingsangeh treikam ba khlem pud

Shillong, Naiwieng 16 : Ka Khasi Jaintia Deficit School...