Tura, Nailar 03 : Ha kawei na ki jingjia ba sngew shyrkhei, kawei ka Khynnah 12 snem la suba jur ba kala shah lehbeijot bad hadien shah pyniap dusmon da kaba siah na ryndang ha ka thain Bikonggre, West Garo Hills hynne ka step sngi Palei.
Ka rukom pyniap ka long kaba la ishyrkhei bha haduh ba ka ryndang bad ka khlieh kala jan lait la ka jong.
Uwei u marjan marpa jong kane ka khynnah u dei ia uba la suba jur namar ka jingjah rngai naduh ba kane ka khynnah kala lah. Ki Pulit ki dang ap mynta ia ka kaiphod ban pynthikna ia ka jingshah leh beijot kane ka khynnah.
Kane ka jingjia kala jia ha ka shnong Jengrapara kaba hap hapoh ka Phulbari Police Station, ong ki Pulit kiba la suba jur ba kane ka kam bymman ka dei kaba lah ban jia ha ka sngi ba ki bahaiing hasem kane ka khynnah kila mih na iing ban leit ontep briew shala ka jong ka shnong.
Kane ka Khynnah kala leit lang bad ki Kmie Kpa sha ka Iingiap briew hynrei la phah ia ka sha Iing ban leit pynlip ia ka bording elektrik pynban kane ka khynnah ka khlem wan phai shuh sha iingiap briew.
Hynrei dei haba ki Kmie Kpa kila wan phai shala iing na Iingiap briew, kila sah ha ka jingkyndit ban lap ba ka Khun kala thiah ha madan ba lyngkien da ka snam jong ka hi.
Ka jingthwet ia une u para marjan kala iaid shakhmat.
