SPL: Beh ka Nangkiew Irat ban pyniakhaid ia ka Mawlai da 2-2 kol

Date:

Share post:

Shillong, Nailar 18 : Ka dei ha ka sien kaba ar mynta ka samoi ba ka Nangkiew Irat SC ka la khie khlieh biang wat hadien ba ka shah thep ar kol ban pyniakhaid ia ka jingiakhun da Mar 2-2 kol ha ka jingiakhun jong ka Shillong Premier League kaba long hynne ka sngi ha madan Third Ground Polo pyrshah Ia ka Mawlai SC.

Ia ki kol jong ka Mawlai ha kane ka sngi la ioh ban thep tang ha ka minit kaba phra jong ka kylla step lyngba u Donlad Diengdoh katba Ia ka kol kaba ar jong ka kynhun la ioh ban thep da u Manbha Iawphniaw ha ka minit kaba 37 lyngba ka penalty.

Ha ka jingiakhun kaba itynnad bha ha ka kylla miet pat ka Nangkiew ka la ioh ban pynphai shi kol lyngba u Shaibor Nongrum ha ka minit kaba 63 katba Ia kawei pat ka kol la thep hi da u rangialehkai ka liang pyrshah ha ka minit ba 86 ban pyniakhaid Ia ka jingiakhun.

Ka sien ba nyngkong ba ka Nangkiew ka shah thep shwa hynrei ka ioh pat ban pyniakhaid kadei ha ka jingiakhun pyrshah ia ka Ryntih ha ka 26 tarik Naitung kaba wat hadien ba ka shah thep 2-0 kol ka dang lah ban pynphai.

Katei ka jingiakhun kaba long hynne ka sngi ka la dei ban long ha ka 04tarik u Nailar hynrei la hap ban pynsangeh noh na ka daw ka jingther u lapbah.

Ha ka jingiakhun ha ka kylla kaba nyngkong jong ka SPL kaba long ha ka 15tarik Jylliew ka jingiakhun ka la kut ha ka jingjop jong ka Mawlai da 2-0 kol.

Ka jingiakhun ha kane ka sngi ka dang pynneh hajuh Ia ka Mawlai ha kyrdan kaba nyngkong kumjuh ruh ka Nangkiew ha ka kyrdan kaba 6.

Ka jingiakhun lashai ka sngi pat kan long hapdeng ka Mawkhar SC pyrshah ia ka Rangdajied United ha ka por 4baje janmiet.

Share post:

spot_img

Popular

More like this
Related

Maldives Football team arrives in Shillong for friendly match against India

Shillong, March 16: The Maldives national football team arrived...

Khynra ka Tnad GST ia ki karkhana Coke ha Assam ba iaid lait ban siew khajna

Guwahati, Lber 16 : Ka Tnad Central Goods &...

Assam | Kyndang ka NCB ia ka kynhun khaii droks ka pyrthei | Kurup ia u meth ba T.88 Klur |Kem 4 ngut

Guwahati, Lber 16: Ha ka jingkhynra pyrshah ïa ka...

Assam | Kular u Amit Shah ban pyntreikam pura ia ka BTR Peace Accord hapoh ka arsnem

Yn pyndon burom ka Delhi ia u Bodfa Upendra...