Shillong, Naitung 29: Ka Nangkiew Irat FC ka la liem da ka said da 1-0 hakhmat ka Shillong Lajong FC ha ka lympung Shillong Premier League 2026 ha ka nohphai sngi Balang, ha SSA Stadium, Polo.
Ka jingiakhun hapdeng kine ki ar kynhun kala sakhi ia ka jingialehkai bha jong ka Shillong Lajong ha ka kylla step, kaba la ioh ban thep ia ka kol ha ka minit ba 37 lyngba u Deibormame Tongper.
Hadien kane, u coach ka Nangkiew Irat u la sei madan noh ia u Wallamsuk Nongkhlaw , u Justerwell Tham bad u rang ialehkai ba ka klob ka la soi u Yhoto Lohe, kaba la pynkylla ia ka rukom ialehkai ka kynhun naduh ba sdang ka kylla miet
Ka Nangkiew ka la ñion bha shakhmat bad u Wallamsuk u la ioh artylli ki kabu ban pynkhih ia ka jar hynrei um shym la lah ban pynkylla sha ka kol.
Hadien kane u Lohe Yhoto u la ioh ban khrwit jam bha ia kawei ka bol kaba la dei ia ka diengkol bad kumjuh ha ka minit ba 72 u Justerwell u la ioh ban khyrwit jam bha ia ka bol kaba sa shisien ka la dei biang ia ka dieng kol.
Lashai pat ka sngi, ka jingiakhun kaba khatduh jong ka kylla ba nyngkong (Rd-1) kan long hapdeng ka Laitkor SC pyrshah ia ka Mawlai SC, kaba la rah arsien ia ka nam lahduh ha ka samoi 2022 bad 2023 bad kaba wan ba-ar ne runners up ha ka u snem 2024.
