Shillong: Ka Rangdajied United FC ka la ioh khur ia ka nam jop kaba marbud, ne kaba ar daka jingpynliem ia ka Nangkiew Irat da 2-1, ha ka lympung Shillong Premier League 2026 hynne ka sngi Palei.
Da kane ka jingjop, ka Rangdajied kala kiew na ka kyrdan kaba phra sha ka kyrdan kaba hynriew, katba na ka liang ka Nangkiew kan hiar sha ka kyrdan ba hynniew bad ka MLP ka hiar sha ka kyrdan kaba phra.
Ia ki artylli ki kol ka Rangdajied la thep ia ki da u Mebannangkiew Thabah (18’) bad Micky Marwein (81’) katba ia ka shi kol ka Nangkiew Irat la thep ia ka da u Ronaldkydon L Nonglait (32’) .
Lashai ka sngi, ka Laitkor kaba don ha ka kyrdan ba khyndai kan mih madan ban iakhun pyrshah ia ka Sawmer kaba don ha ka kyrdan kaba saw kaban long ha ka por 3 baje nohphai sngi.
