Shillong, Nailur 30: La pynkut iaka 2nd Sohra International Half Marathon hapoh ka Seven Sisters Falls haka ba palat 3000 ngut ki nongmareh kila wan shim bynta naduh dangstep kynthup 1200 ngut ki khynnah rit.
Iaka Sohra International Half Marathon la ioh jingithuh daka World Athletics bad ka Athletics Federation of India bad ka jingiakop mareh la pynlong naka bynta ka 21K, 10K bad 5K bad ha kane ka sngi la iohi ka jingwan shim bynta ki nongmareh ba kynthup napoh ka jylla Assam, UP bad na New Delhi bad kynthup ruh ki nongmareh na bar ri kata na Kenya.
Iaka jingiakop mareh la plie pyrda da u Dr. Vijay Kumar ka Commissioner bad Secretary ka tnat Sports bad Youth Affairs haka jingdon lang ka Director ka tnat kong Isawanda Laloo, ka Hema Naik SDO Civil (Sohra) bad u bah John F. Kharshiing u Working President, Meghalaya State Olympic Association.
Haka 21K Elite Category ki shynrang ba 18 snem shajrong, ia ka nam lahduh la jop da u Elkana Rolo na Kenya uba la pyndep ia ka jingmareh haka por 1:06 Hours.
Ha ka jingiamareh 21K Elite Caterogy ki Kynthei ba 18 snem shajrong, ia ka nam lahduh la ioh da ka Renu Singh na India, kaba la pyndep haka por 1:10 Hours. Nalor ki khusnam bala sam ha ki podium ne rynsan, la sam khusnam ruh shaki 5 ngut kiba wan shakhmat.
Ha ka jingiakop mareh run for fun la iohi ia ka jingiashim bynta palat 2000 ngut ki nongmareh kynthup ki khynnah ba hapoh 6 snem.
Haka sngi pynkut iaka 2nd Sohra International Half Marathon la wan sakhi ruh da u Myntri ka tnat ialehkai u bah Shakliar Warjri, u MLA ka Sohra bad Shella kata u bah Gavin Mylliem bad u bah Balajied Synrem.
Haba iadei bad kane naka liang ka tnat ka ialehkai ka sorkar jylla kala kular ban iai kyrshan ia kum kine ki jingiakop mareh.
