Nongpoh, Lber 22 : Ka Ophis ka District Tuberculosis Officer (DTO) ka Ri-Bhoi District lem bad ki Nongniah Auto kamai, hynne ka sngi Thohdieng, kila pynlong ia ka rally ha Nongpoh ban ialap shaphang ka jingialeh jong ka Ri India ban rat dyngkong ia ka jingpang TB, kaba la buh ia ka thong ha u snem 2025.
Kane ka rally kala sdang na ka Ophis u District Transport Officer (DTO) bad la pynkut pat ha Iingdorbar Hall jong ka Shnong Iew Mawlong. Kane ka long ruh shibynta na ka jingrakhe ia ka World TB month.
Ha kane la sngi ki nongniah Auto kamai ki la mih ryntih da kaba sangeh shipor ban kamai ban ïa snohkti lang bad ki bor pynïaid ha ka ban pyn saphriang lang ïa kajuh ka khubor ban iakhun ia ka jingpang TB.
Ha ba kut jong ka rally, la pynlong iaka jingialang kaba lyngkot ha phyllaw iing dorbar Hall ïew mawlong hakaba ka Dr. E Kalwing, District Tuberculosis Ophisar Ribhoi District ka la batai shapang ka jingpang TB bad ruh ia ki lad jingïada bad kiei ki jingsumar kiba dei ban ioh naka tnad jong ka koit ka khiah.
Ha kane ka sngi nalor ki nongtrei jong ka koit ka khiah bad ki nongniah auto la ïa don lang ruh ki khynnah pule BSW 4th Semester jong ka Women’s College Shillong ha kaba naka liang jong ki khynnah pule ki la ïoh ban pynbam smai sha baroh ki nong ïa shim bynta ban ïaleh pyrshah ha ka ban rad diengkhong ïa ka jingpang TB.
 bad la pynkut pat ha Iingdorbar Hall jong ka Shnong Iew Mawlong. Kane ka long ruh shibynta na ka jingrakhe ia ka World TB month.){kind=link}