Shillong Lber 22: Ka KSU Jowai Unit kala leit iakynduh ia u General Manager ka District Commerce & Industries Centre, West Jaintia Hills District halor ka jingbym don ki nonghikai kiban hikai ia ka Carpentry, Mechanist bad kiwei kiwei kaba la buh ha ka jingeh ia ki samla kiba kwah ban pyntbit ha katei ka lain.
Ka KSU Jowai Unit hapoh ka jinglam u President u Ewanmi Phawa bad u Nidapoi Shadap u General Secretary, kila ia u Bah B.Warjri u General Manager ban pynapw ia ka jingsngewsih ia ka jingbym don ki nonghikai ha kane ka centre.
U Publicity Secretary ka KSU Jowai Unit u Dao Langstang ula pynpaw ba ha kane ka sngi, ka seng kal ioh ban pynsngew iaka jingsngew lung mynsiem namar ba hapoh kane ka Centre ka Training ba dei ban ioh kum ka Carpentry ka lah duh noh mynta la bun bun snem namar ka jingbym don shuh ki Nonghikai Carpentry, Mechanist bad kiwei kiwei.
Ula ong, ba na ka liang jong u General Manager ula iathuh ba ula dep ban pyntip sha ki bor kiba dei khmih iaka kam ban thung noh ia ki Trainer khnang ban lah biang ban ai Training ia ka Carpentry tangba ka sorkar kam pat leh haduh mynta.
U Dao Langstang ula pynkynmaw ba ha ka 19 tarik u Jymmang 2022 ka seng KSU kala leit jurip ia kane ka Office bad kala lap ba ki jait Training kum ka Carpentry kam treikam shuh namar ka jing bym don nonghikai bad ha kane ka kynti kaba mynta, ka KSU kala lap lyngba ka RTI ba don haduh 19 tylli ki Post ba lait thylli ha kane ka ophis bad kadei ruh na kane ka daw ba kala don ka jingdkoh jongka ophis ban ai jingshakri ia ki paitbah.
Ka KSU Jowai Unit kala pynpaw ba kan ym shongthait bad kan sa pyntip sha ki bor kiba dei khmih ia ki kam thungkam hapoh ka DSC khnang ba yn lah ban pyntyllun biang ia ki jait Training ba lah duh noh hapoh kane ka Centre kaban ai jingmyntoi ia ki samla ban seng kam lajong.
