Shillong, Lber 22: Ka Unlawful Activities Prevention Act (UAPA) Tribunal kala pynbeit biang ha ka 9 tarik u Iaiong ban shong bishar biang ia mukotduma kaba la mudui da ka Hynniewtrep National Liberation Council (HNLC) kaba iakhun pyrshah ia ka jingrai ka Sorkar Pdeng ban pynjlan ia ka jingkhein be-ain sa 5 snem ia ka HNLC.
Haba pyntip ia kane, hadien ka jingwan mih hakhmat jong ka Tribunal u nongiasaid ain ka HNLC u Fernando Shangpliang ula ong ba ka jingtian bishar kan long biang ha ka 9 tarik u Iaiong ha Guwahati, Assam.
“Ha ka jingtian bishar mynta ka sngi, nga la pyrshang ban aiti ia ka Showcause ka jong nga hynrei katkum ki kyndon, ka Tribunal kam shym la shah namar ba la buh ia ka por ha ka 13 tarik u Rymphang 2025 ban aiti ia ka jubab ne ban pyrshah ha kaba iadei bad ka (jingpynjlan ia ka jingkhein be-ain) bad ka Sorkar Pdeng bad ka Sorkar Jylla ki lah dep ban aiti ia ki Affidavit ki jongki,” ula ong.
“Ngi lah hap ban iaid noh shakhmat. Kumta ha ka taiew ban wan, na ka Sorkar India bad ka Sorkar Jylla kin sa aiti ia nga ia ki kot ki sla, kiba iadei bad ka jingjubab ka jongki ryngkat bad ki Affidavit bad halor katei, ha ka 9 tarik u Iaiong ngan sa khmih bniah bha ia baroh kiba ai ka jingsakhi kiba la aiti da ka Sorkar Pdeng bad ka Sorkar Jylla” la ong u Bah Shangpliang.
 Tribunal kala pynbeit biang ha ka 9 tarik u Iaiong ban shong bishar biang ia mukotduma kaba la mudui da ka Hynniewtrep National Liberation Council (HNLC) kaba iakhun pyrshah ia ka jingrai ka Sorkar Pdeng ban pynjlan ia ka jingkhein be-ain sa 5 snem ia ka HNLC.){kind=link}