Shillong, Nailur 15: Ka Meghalaya Bharatiya Janata Party (BJP) ka pynpaw ia ka jingsngewsih bad jingsngewkhia halor ka jingkhlad ba sngewsih jong i heprit Insaphira Lyngdoh Mawnai (4 snem ka rta) iba la jah na la iing ha Nongrah Nonglum.
U Chief Spokesperson ka Meghalaya BJP Bah Mariahom Kharkrang, u phah ka jingsngewlem sha ka longïing kaba la duh noh iala i khun da kaba ong ba kane ka jingduh ka dei kaba pynsngewsih kthang ïa ka dohnud.
Haba kubur ia ka jingisuba sniew halor ka rukom lap iaka metiap, u Chief Spokesperson ula ong baka BJP Meghalaya ka ngeit ha ki bor Pulit kin sei madan ïa ka jingshisha.
“Katba nang mih ki sngi, ki Pulit jong ka Jylla ki la pyni ia la ka jong ka jingtbit ha ki jingtohkit ia kiba bun ki jingjia da ka jinglah jong ki ban kem ia ki briew ba donkti ha ki kam bymman kiba eh ba eh. Ka jinglah ban sei madan iaka jingshisha halor ka jingshah pyniap u Raja Raghuvanshi dang shen ka pynshisha ia ka jingtbit jong ki Pulit ka Meghalaya. Ngi kitbok kitrwiang ia ki pulit Meghalaya ba kin jop ha kane ka jingtohkit halor ka jinglap iaka metiap i heprit. Ngi duwai ba i heprit in ioh ka jingjahthait bad ka jingsuk” la ong u Bah Kharkrang.
 ka pynpaw ia ka jingsngewsih bad jingsngewkhia halor ka jingkhlad ba sngewsih jong i heprit Insaphira Lyngdoh Mawnai (4 snem ka rta) iba la jah na la iing ha Nongrah Nonglum.){kind=link}