Gangtok, Jylliew 25: U khlur ialehkai phutbol ka India bad u Nongialam ka Sikkim Democratic Front (SKF) Bhaichung Bhutia, hynne ka sngi Ba-ar, ula pynbna ban iehnoh iaka kam sain hima pyrthei.
Kane ka rai ka wan hadien baka Sikkim Krantikari Morcha (SKM) haka jingialam u PS Tamang kala jop kput haka elekshon MLA 2024 sha ka Iingdorbar Thaw Ain ka Sikkim.
U Bhaichung ula rung sha ka jylli sain hima pyrthei ha u snem 014 haka por ba Trinamool Congress (TMC) kaba synshar hapoh ka Jylla West Bengal, kala pynbna iaka kyrteng jong u kum u kyrtong haka ilekshon MP na Darjeeling hynrei ula shah rem noh ha u Riksal D Bhutia naka Sikkim Krantikari Morcha (SKM).
Kane ka jingshah rem ka dei ruh ka sienjam ba u shim ban mih noh naka sain hima pyrthei.
Hynrei ha u 2018, u Bhaichung ula wan phai biang shaka sain hima pyrthei daka ba seng iaka Hamro Sikkim Party bad hadien kala kylla iasoh bad ka Party ba ialam da u Pawan Chamling ka SDF.
Watla u Bhaichung ula ialeh katba lah ban thaw kyrteng haka sain hima pyrthei hynrei ula iai mad iaka jingshah rem kaba la pynlong ia u ban mih noh naka sain hima.
Haka kyrwoh u Bhaichung ula ai khublei iaka SKM ba ialam da u Tamang bad ula pynpaw ka jingkyrmen ba kane ka Sorkar thymmai kan trei naka bynta ka bha ka miat u paidbah bad ka Jylla.
Ula pynkynmaw iaka jingiaid lynti daka ba ong “Hadien ka ilekshon 2024 nga la sngewthuh baka sain hima pyrthei kam dei Ia nga”.
U Bhaichung Bhutia udei u briew uba la paw nam ban kyntiew iaka roi ka par khamtam haka jingialehkai Football bad ka kam jngohkai pyrthei hapoh Sikkim bad ula pynpaw ka jingsngewsih namar u khlem lah ban pynurlong iaki jingangnud.
Ula iai pynpaw ka jingkyrmen ba kiwei kon sa lah ban pynurlong ban pyntreikam iaki kam naka bynta ban kyntiew iaka Jylla.
Haba shim iaka jingkren u Buddha, u Bhaichung ula iai ban iaka jingdonkam ban don ka mynsiem ba bha hapoh ka sain hima bad ula ai khublei iaki nongkyrshan bad u panmap ruh lada ula pynsngewsih iano iano.
Kane ka jingpynbna kadei ka jingkut noh ka lynti iaid u Bhaichung Bhutia naka kam sain hima pyrthei hadien ka jingieh noh iaka Football.
 kaba synshar hapoh ka Jylla West Bengal, kala pynbna iaka kyrteng jong u kum u kyrtong haka ilekshon MP na Darjeeling hynrei ula shah rem noh ha u Riksal D Bhutia naka Sikkim Krantikari Morcha (SKM).){kind=link}