Gangtok, Lber 11: Ka Sikkim Democratic Front (SDF) hynne ka sngi Nyngkong, kala pynlong ka ka jingiakhih daka ba iaid paidbah na ophis treikam lyngba ka Indira By pass sha Gangtok district administrative centre ban dawa ai ia ka jingbishar hok ia u Lamphang barim namar ka jingshah thombor haka 1 tarik mynta u bnai.
Ia kane ka jingiakhih la lamkhmat da u nongialam ba rangbah ka SDF u Pawan Kumar Chamling haka jingdonlang ki nongkitkam bad ki nongkyrshan ka Party.
U Chamling ula kynnoh ba u Myntri Rangbah Prem Singh Golay u dei uba don bynta ban phah thombor ia u Lamphang barim u KN Rai nalor kiwei ki kam pyntriem hapoh ka Jylla haki 5 snem bala dep.
Ka SDF kala ai por haduh 5 tarik mynta u bnai iaka Sorkar Jylla ban kem iaki ba donkti ban thombor ia u KN Rai.
“Haduh mynta, kiba donkti ban thombor ki khlem pat shah kem bad kane kala pynlong ia ngi ban iakhih. Kito kiba shah kem kidei baroh naka SKM bad ki bym don jingiadei bad ki kam thombor. Ki paidbah ki tieng namar wat hadien bala ujor hapoh Police Station, ki Pulit ki leh kum bym ioh sngew iaki jingujor. Jia katba jia ka Sorkar bad ki Pulit kadei ban jabab iaka ain. Namar ka SKM bad ka Sorkar ka don bynta haduh mynta, ym pat don uwei ruh ba shah kem” la ong u Chamling.
U SDF ula dawa ruh ban tohkit daka CBI halor kane ka jingshah thombor u KN Rai.
“Ki paidbah ka Sikkim kim don jingshaniah haka Sorkar ne Pulit ne ki bor district ne ka ain, namar ki la pulom ha baroh ki liang” ula ong.
Ka SDF kala aiti ruh daka dorkhas ban wanrah daka President rule hapoh ka Jylla hashuwa ka ilekshon namar ka kynnoh ba ka ilekshon kan nym long kaba iaid beit ne kaba hok.
 hynne ka sngi Nyngkong, kala pynlong ka ka jingiakhih daka ba iaid paidbah na ophis treikam lyngba ka Indira By pass sha Gangtok district administrative centre ban dawa ai ia ka jingbishar hok ia u Lamphang barim namar ka jingshah thombor haka 1 tarik mynta u bnai.){kind=link}