Shillong, Risaw 14: U Myntri Rangbah Conrad K Sangma hynne ka sngi thohdieng ula pyntip ba ka sorkar ka lah ban plie noh ia ka Marriott Courtyard Hotel hashuwa jong ka Kristmas 2022.
“Ngi la don jingthmu ban plie noh ia ka Marriott Courtyard Hotel kaba don ha Jail Road hashuwa jong ka Khristmas 2022” ong u Myntri Rangbah haba iakren bad ki lad pathai khubor.
U pyntip ba ka Sorkar dang shen kala shong jingialang halor kane ka kam hynrei kam pat lah pat ban pynthikna ia ka Tarik.
“Hadien bala pynthikna iaka tarik, ngin sa pynbna iaka sngi ban plie hynrei la thikna pat ba yn plie noh hashuwa ka Khristmas 2022” la ong u Conrad.
U Conrad ula iathuh ba ka jingplie sa ia kane ka Hotel kan pynbit pynbiang shuh shuh iaki jingdonkam jong ki nongwan shang suwari na kylleng ki jylla ka ri India bad na kiwei ki ri jong ka pyrthei baroh kawei.
