Shillong, Naitung 22: Ka jingiakop siat suloi 10th Meghalaya State Shooting Championship 2025 kala kut noh haka 21 tarik ha Assam Regimental Centre (ARC) ha Shillong, ha kaba ki nongsiat suloi na ka thain Garo Hills ki la pyni ia ka sap ba ki don ha kaba kila ioh khur haduh 13 tylli ki takma.
Ki dkhot ka Shooting Association of North Garo Hills (SANGH) kila ïoh ban khur 5 tylli ki takma ksiar bad 2 tylli ki takma rupa.
Da kaba ïoh 4 tylli ki takma ksiar ha kylleng ki thup kum haka Youth, Junior, Senior bad Free Pistol categories, ka Giting Rani M Momin, u la pyni ïa ka jingïalehkai kaba kyrpang.
Iaka Gitnv Rani M Momin da u Davis CK Sangma, hapoh ka jingialam jong u ka la pyni iala ka sap haba iadei bad ka jingsiap suloi.
U Jerash K Marak u la pynkiew ïa ka kyrdan jong ka district da kaba khur ïa ka Ksiar ha ka 50M .22 Rifle Open Sight (ki shynrang).
U coach jong u, u Sunny Roagers G Momin, uba dei ruh u nongsiat ba la pyntbit hi dalade, u la ïoh ïa ka takma rnong ha kajuh ka thup siat
Ka Chonley K Sangma ka la ioh ïa ka takma rnong ha ka jingïakob Women’s 50M .22 Rifle Open Sight.
“Kane ka long kham palat ban ïa ka jingkheiñ takma. Ka dei ka jingsei iaki sap ba thymmai ka don ha man la ki dong jong ka Meghalaya,” ong uwei u nongmihkhmat SANGH.
Ka Shooting Association of West Garo Hills (SAGH) ruh ka la pyni ia ki sap ba ki nongsiat ki don ha kaba ka la ioh ia ka jingkhein kaba la pynthymmai kaba long kawei ka takma ksiar, kawei ka takma rupa, bad lai tylli ki takma rupa.
U Rangku Sangma u la lamkhmat na khmat da ka khusnam Ksiar ha ka 50M Open Sight Rifle (Masters Men – Individual) bad ka rnong ha ka 10M Air Rifle (Masters Men – Individual).
U Walsall Momin u la ïoh khur iaka takma rupa ha ka jingïakob 10M Air Pistol Mixed Team, ryngkat bad ki takma rnong ha baroh ar ki thup kata 25M Sports Pistol (Men’s Individual) bad 25M Centre Fire Pistol (Men’s Individual) categories.
Ha ka Sub-Youth category ka Badrisa Momin kala ioh khur takma rnong haka 10M Air Pistol.
Ki heh ophisar na baroh ar tylli ki Association kila ïaroh ïa ki nongïalehkai na ka bynta ka jinglong ba ryntih, ka jingaiti lut, bad ka jinglong ba tbit jong ki, da kaba batai ïa kane ka jingïakop kum ka por kaba kongsan bha na ka bynta ka jingïalehkai siat suloi ha Garo Hills.
 ha Shillong, ha kaba ki nongsiat suloi na ka thain Garo Hills ki la pyni ia ka sap ba ki don ha kaba kila ioh khur haduh 13 tylli ki takma.){kind=link}