Agartala, Naitung 22: U Myntri Rangbah ka Tripura Manik Saha u la pynbna ha ka sorkar hapoh ka jingialam jong u kan pyntrei kam pura ia ka Citizenship (Amendment) Act of 2019, da kaba bud ryntih katkum ka cut-off date ne ka tarik ban pyntrei kam naduh ka 31 tarik u bnai Nohprah jong u snem 2014 ban pynlong nongshong shnong ka ri India ia ki phetwir.
“Tang kito kiba na ka ri Afghanistan, Pakistan ne na Bangladesh kiba la wan rung ha shwa ka 31 tarik u bnai Nohprah jong u snem 2014 ki lah ban long ki nong shong shnong katkum a CAA. Kino kino kiba hadien katei ka tarik yn niew ia ki kum kiba wan rung beain,” ong u Sah
Ban teh lakam ia ka jingioh rung laitlan, ka jylla kala thaw ia ka STF bad la bthah ia ki district magistrates bad ki pulit ba kin long kiba peitngor bha.
Shuh shuh u Saha u la ong lyngba ka jingiatrei lang bad ki bor pahara kiba don ha khappud yn lah ban teh lakam bha ia ka jingrung beain ha kine ki khyndiat bnai.
Kane ka jingkynthoh hadien ka jingjur jong ka jingiashrut bad ka Tipra Mortha kaba don lang bad ka sorkar ba ialam da ka BJP kiba dawa ban ithuh ia kiba wan phetwir hadien u snem 1971 hadien ka thma Bangladesh kum ki bym long beain katkum ka Indira-Mujib Accord.
 Act of 2019, da kaba bud ryntih katkum ka cut-off date ne ka tarik ban pyntrei kam naduh ka 31 tarik u bnai Nohprah jong u snem 2014 ban pynlong nongshong shnong ka ri India ia ki phetwir.){kind=link}