spot_img

Shong syier ki paidbah ha Khappud India-Bangladesh ba wan shang shnong ki hati khlaw

Date:

Share post:

Shillong, Lber 25 : Ki nongshongshnong jong kiba bun ki shnong khappud ka thain Balat bad Dangar, kila rit mynsiem bad shongsyier bad don ruh kila hap ban apshnong namar ka jingwan shang shnong jong ki hati khlaw kiba la pynjulor kat ia kaba don ha ka lynti iaid jong ki.

Kane ka jingwan jong ki hati khlaw sha ki shnong ki thaw ka thain kala sdang naduh kine ki khyndiat bnai bala leit noh bad ka jingwan jong ki, la suba jur ba ka dei na ka jingwan wad bam.

U Rangbah Shnong ka Balat Bah Kloiland Khardewsaw ula iathuh ba arbnai mynshuwa, kine ki hati kila wan bad sah ha ka thain Umsawrang bad kumjuh ruh ha Lad Bakli, kiba hap hapoh ka Mawsynram C&RD Block.

La suba jur ba kine ki hati khlaw kila wan kiew na ka Ri Bangladesh bad kumjuh ruh na Ri-lum Garo.

U Bah Koiland u iathuh ba kine ki hati kila wan rung lyngba ka thain Ranikor bad mynta kila poi sha ka thain Balat bad Dangar da kaba kam ia ka wah Umngi.

U iathuh ba ki hato kiba shong ha ka thain Lad Bakli kila poi ruh wat sha ka thain Khar-a-bri bad mynta kila don ha ka shnong Umlynter kaba hap hapoh ka jingpeit jong ka Hima Dwara Nongtyrnem.

Une u Rangbah Shnong u iathuh ba ki paidbah ka thain kila duh thiah duh dem mynta bad kila pynlong ia ka jingpahara ban lait na ka jingshah pynjulor ki iing ki sem.

Ki nongshongshnong ka thain kila kyntu ia ki bor ba dei khmih khamtam ia ka Tnad Wild Life ba kin leh eiei halor kane ka kam khnang ba ki paidbah kin lait na ki jingma bad jingmynsaw.

 

Share post:

spot_img
spot_img

Popular

More like this
Related

Pan jingshai ka MSSASA halor ka hukum ka SC ba hap pass TET ki Nonghikai

Shillong, Nailur 08 : Ka Meghalaya SSA School Association...

Buh jingkylli ka MITCRM ba thmu siew tulop ia ki ADC | Syier ioh pyntrei ia ka Panchayati Raj

Shillong Nailur 08: Ka Meghalaya Indigenous Tribes Constitutional Rights...

Pyllait ka Sorkar ia T.6.17 klur ban siew scholarship sha ki samla pule

Shillong, Nailur 08: Ka Sorkar Jylla kala pyllait T.6.17...

Bthah u Myntri ia ka AKMTA ban iakren ia ki kynhun na Assam shuwa ban khang ia ki kali Tourist

Shillong Nailur 08: U Myntri ka tnad jngohkai Bah...