Shillong, Nohprah 08 : U Myntri Rangbah ka Jylla Conrad K Sangma ha ka sngi Ba-ar, ula pyniaid ia ka jingialang bishar kam halor ki skhim bapher bapher ba pyntrei da ka tnad PHE Electrical Sub-Division, Rymbai.
Kane ka jingialang kala iakren bniah ia ka jingtreikam ka skhim Functional Household Tap Connection (FHTC) bad ka Rymbai Greater Water Supply Scheme.
Ki Ophisar kila pynsngew ia ki jingeh ba iakynduh da ka Sub Division bad pynsngew ha u Myntri Rangbah halor ka jingiaid ki kam, ka por bala buh bad pyndep ia ki skhim bapher bapher jong ka Tnad ha ka thain.
Ki Ophisar kila pynpaw ruh ia ka jingdonkam ban don ia ka PHE Division ha East Jaintia Hills ban lah pyntreikam bha bad peit ngor ia ki skhim.
U CM ula bthah ia ki Ophisar ban pynthikna ia ka jingtreikam ki FHTC ha baroh ki Anganwadi Centre bad ki skul ban ban jur ruh ia ka jingdonkam ban don ka jingiatreilang ki shnong ki thaw ban lah pyntreikam bha ia ki skhim ka PHE.
