Shillong, Nohprah 8: U Myntri Rangbah ka jylla Conrad K Sangma, u la aiti ia ka bos skul kaba la bei tyngka lyngba ka Chief Minister’s Special Development Fund, sha ka Khliehriat Higher Secondary School.
Ha kane ka sngi la ia don ryngkat u MLA ka Khliehriat, Kymen Shylla, ki nonghikai skul bad ki khynnah skul nalor kiwei de ki heh ophisar jong ka district.
Ha kane ka jingaiti ia ka bos skul, u Myntri Rangbah u la ïakren ruh bad ki samla pule kiba la kylli jingkylli ïa u halor ka jinglong jingman ka pule puthi ha ka jylla, ka jingdih drok bad ka jingkhaii droks, ki buit jong u ban leh ia ki jingshah kynthoh bad pynpaw ruh ïa ka jingdonkam ban don ïa ki digital libraries.
