Shillong, June 8: Ka High Powered Committee (HPC) jong ka iingdorbar thawain ka jylla kala iakynduh hynne ka sngi ha Taj Vivanta Shillong ban iakren ha kaba iadei bad ka jingtei iaka Iingdorbar Thawain ba thymmai jong ka jylla ha Mawdiangdiang.
Ia katei ka jingialang la pyniaid da u Lamphang ka iingdorbar thawain ka jylla u Thomas A. Sangma, ha kaba la iadonlang u Myntri Rangbah ka jylla u Conrad Sangma, ki Symbud Myntri Rangbah ka jylla u Bah Prestone Tynsong bad bah Sniawbhalang Dhar, ki MLA bad ki heh ophisar sorkar na ki tnad bapher bapher.
U Thomas A. Sangma ula pyntip ba ki la ia kren halor ka jinglong jingman jong ki kam ki jam ha ka jingtei iaka iingdorbar thawain bathymmai bad halor ka jingtyrwa ban tei iaki jingtei ha ka wat ka baar bad ban khmih ruh ha kaba iadei bad ka jingpynbit pynbiang ha kaba iadei bad ki kam pahara.
Ula iathuh ba ka HPC, ka Assembly Secretariat bad ki tnad sorkar bapher kila mynjur iaka jingtyrwa na ka bynta ki jingtei ha ka wat ka baar bad ia kane ka jingtyrwa yn sa phah sha ka Ministry of DoNER.
 jong ka iingdorbar thawain ka jylla kala iakynduh hynne ka sngi ha Taj Vivanta Shillong ban iakren ha kaba iadei bad ka jingtei iaka Iingdorbar Thawain ba thymmai jong ka jylla ha Mawdiangdiang.){kind=link}