Tura, Naiwieng 03 : Ka Iingkashari District Session Judge ka West Garo Hills kala hukum ban set phatok shirta jingim ia uwei u nongpyniap briew uba dung da ka tari ia uwei pat hadien ka huri hura kaba jia ha ka Restaurant ha Iew Tura shiphew snem mynshuwa.
Ha ka 29 tarik Lber 2021, ki Pulit ka Tura kila ioh khubor ba uwei u briew ba kyrteng u Tengsal D Sangma ula shoh ia kawei ka kynthei ka Pringchi D Sangma, ia u Kurim (L) Persist Ch Sangma bad ia u Hepkynsi jong u u Najib Sangma ha ka 29 tarik Lber ha ka por 7 baje janmiet ha Elysian Restaurant, Tura.
Katba u Persist Ch Sangma u dang pyrshang ban iada iala ka kurim ka Pringchi D Sangma, u Tengsik ula dung ia u da ka tarik na ka shadem. Ia u Persit la kit noh mar mar sha Tura Civil Hospital hynrei la pynbna ba ula iap shuwa ban poi sha hospital.
Haba ioh ia kane ka khubor, ki Pulit kila register case ia kane ka jingjia hapoh ka kyndon 302 IPC bad la chargesheet ia ka ha ka 5 tarik Jylliew 2012.
Ka Iingkashari haba shong bishar ia kane ka kam, kala shem ba u Tengsal ula donkti ban leh ia kane ka kam bad la pynngat ia u ha ka kyndon 302 IPC.
Ka Iingkashari kala hukum ban set along shirta jingim ia une u briew bad ka kun aba T. 1 lak.
