Shillong, Naiwieng 02 : U Justice HS Thangkhiew, ula shah thung kum u Acting Chief Justice ka Iingkashari Meghalaya High Court.
Ha ka jingpynbna bala pynmih da ka Sorkar Pdeng ha ka sngi Balang, la ong ba u Justice Thangkhiew un pyniaid ruh ia ki kam kum u Chief Justice naduh ka sngi Palei, hadien ka jingshongthait noh u Chief Justice Sanjib Banerjee.
Ka jingpynbna ka ong “Haba pyntreikam ia ka bor bala pynkup da ka Article 223 jong ka Riti Synshar ka Ri India, ka President ka sngewbha ban thung ia u Justice Hamarsan Singh Thangkhiew, Judge ka Meghalaya High Court, ban trei ruh ia ka kam jong ka Ophis u Chief Justice ka High Court naduhka 02/11/2023 hadien ka jingshongthait noh u Justice Sanjib Banerjee, Chief Justice ka High Court ha ka 01/11/2023”.
U Justice Thangkhiew ula bam smai kum u Judge ka Meghalaya High Court naduh ka 19 tarik Naiwieng 2018. Ula shakri tang kum u Acting Chief Justice ka High Court ba shipor ha u Naiwieng 2019.
Hadien ba pyndep ia ka LLB. Degree na Delhi University ha u snem 1990, ula rungkam kum u Advocate bad ka Bar Council ka Assam, Nagaland, Meghalaya, Manipur, Tripura, Mizoram bad Arunachal Pradesh ha u snem 1990-1991.
Ula shah thung kum u Senior Advocate da ka Guawahti High Court ha u bnai Nailar 2010.
