Nongpoh, K’lyngkot 15 : U Bah Bipul Thangkhiew ula shimti biang ban pynbteng ia ka jinglong nongialam jong ka seng Ri-Bhoi Youth Federation (RBYF) kum u President, kaba la iaid mynta la lai samoi kata naduh u snem 2014.
U Bah Bipul ula shah jied biang ban long u Nongialam ha ka jingialang jong ka General Executive Council, 2025, kaba la pynthymmai ia ki Nongialam ka Central Executive Committee (CEC) na ka bynta ka samoi treikam u snem 2025-2029.
Ki Nongialam ba thymmai ka CEC ki kynthup ruh ia u Bah K Nengnong- General Secretary, Bah AG Sten, Chief Adviser, Bah Liandar Nongshli-Working President, Bah OB Marbaniang-Vice President, Bah Denis Syngkli-Asst Secretary, Bah PP Kylla-Chief Organising Secretary, Bah Balawan Marwein-Finance Secretary, Bah RJ Thangkhiew-Political Secretary, Bah Wanpher S Wahlang-Publicity Secretary bad kiwei kiwei.
La pynskhem ia kine ki nongialam ba thymmai da u President barim ka RBYF bad Chairman ka Synjuk ki Rangbah Shnong Bah BB Makdoh ha ka jingiadonlang u Bah EK Lapang Rangbah Shnong ka Saiden nalor kiwei kiwei ki riew rangbah.
Haba ai jingkren, u Bah Makdok ula pynpaw ia ka jingkmen ba ka RBYF kala nang paw ha ka jingshakri jong ka ia ki paidbah ym tang hapoh ka District hynrei hapoh ka Jylla.
 na ka bynta ka samoi treikam u snem 2025-2029.){kind=link}