Shillong, Nohprah 03 : Ka jinglong jingman ha khappud ka Meghalaya-Assam ia mynta kala long kaba jai jai, ong u MLA ka UDP na Mookaiaw Bah Nujorki Sungoh.
Ka Sorkar kala shim ia ki sienjam ban pynneh ia ka jingsuk, kynthup ka jingbuh ia ki Outpost ha Khatarsla, Mukroh bad Barato, ula ong haba iakren bad ki nongthoh khubor haba kren halor ka jingkynad ba dang shen ha ka shnong Lapangap, West Jaintia Hills.
“Ngi kwah ban pynthikna ba kum kitei ki jingjia kim dei shuh ban jia hadien habud” ong u Bah Nujorki haba bynrap b aka Sorkar kala don ha ka jingiakren bad ki bor ka Assam ban pynbeit ia kane ka kam.
U Symbud Myntri Rangbah ula lum ia ka jingialang bad ki jingiakren ki dang iaid shakhmat.
U Bah Nujorki ula kular ba ka Sorkar kan sa phah bun ki Pulit ha ki jaka khappud bad ki Outpost ban tehlakam ia ki jinglong jingman. Ka Sorkar ka don jingthmu ruh ban iakynduh ia ki trai shnong ban iakren shuh shuh ka kane ka kam hynrei kam pat buh satia ia ka tarik.
