Guwahati, Rymphang 22 :U Gulab Chand Kataria u la shim smai kum u Lat bathymmai ka Assam mynta ka sngi 22 tarik lyngba u Chief Justice ka Guwahati High Court.
U Kataria 78 snem rta u la shim smai kum u Lat uba 31 jong ka Assam ha ka jingialang kaba la long hapoh Srimanta Sankardev Kalakshetra ha Guwahati.
U Kataria u ba dei na Udaipur ha Rajasthan u la shimti ia kane ka kam na u professor Jagdish Mukhi uba la iehnoh kam ha kane ka sngi U Blei ba la lah hadien ba u la pyndep ia ka samoi treikam jong u.
Ha ka 21 tarik mynta u bnai u Kataria u la wan poi ha Guwahati ha kaba la pdiang sngewbha ia u da ki myntri ka sorkar jylla lem bad kiwei pat ki heh sorkar hapoh Lokpriya Gopinath Bordoloi International (LGBI) Airport.
U Kataria u ba dei u nongialam liang pyrshah hapoh Rajasthan Assembly, u la shah jied ha ka president ka India ka Droupadi Murmu ban shimti ia kane ka kam kum u Lat bathymmai ka Assam.
La kha ia u Kataria ha ka 13 tarik u Risaw 1944, bad u la bat ruh kum u Myntri kam pohiing ka Rajasthan naduh u snem 2014 haduh u 2018.
U Kataria u ba dei u riewsain hima na ka seng BJP ha Rajasthan bad u dkhot jong ka party central working committee u la shah jied sha ka Lok Sabha kaba khyndai kum u dkhot na Udaipur.
