Shillong, Naiwieng 15 : U Vice Chancellor ka North Eastern Hill University (NEHU) Prof PS Shukla, hynne ka sngi Thohdieng, ula shim da ka shuti Earned Leave (EL) kaba treikam naduh mynta ka 15 tarik Naiwieng haduh ka 29 tarik Naiwieng, 2024.
Kat kum ka shithi shim shuti bala phah sha u Registrar ka University, ula ong “Namar ki kam ki bym lah kiar, nga la mih na Campus da ka Earned Leave (EL) ka ban treikam naduh mynta ka sngi ka 15 tarik Naiwieng, 2024”.
Ula ong ba ka shuti ba u shim kan long naduh ka 17 tarik Naiwieng haduh ka 29 tarik Naiwieng, kaba lah ruh ban pynjlan shuh shuh.
Ula ong ruh ba ha ka jingbym don jong u, u Professor ba rangbah tam ka University Prof N Saha bad kiwei, kin shimti bad khmih ia ki kam jong u Vice Chancellor.
Ka Univeristy kala don hapdeng ka jingkhang dam na ka jingiakhih jong ki samla pule ba ialam da ka North Eastern Hill University Students’ Union (NEHUSU) bad kyrshan da ka Khasi Students’ Union (KSU – NEHU Unit) mynta la 11 sngi.
Ki Samla pule kila dawa ban weng noh mardor ia u Vice Chancellor bad ruh ia u Registrar bad Deputy Registrar.
Ha ka por mynstep, u Myntri Rangbah ka Jylla Conrad K Sangma ula leit ban iakynduh ia ki samla pule kiba iakhih ha phyllaw ka NEHU.
“Shibun ki jingiakren kila mih halor kane ka kam. Ngin sa iakren hadien” ong u Conrad haba iaken bad ki nongthoh khubor haba kylli ia ka jingwan iakynduh jong u ia ki samla pule ba iakhih bad ka jinglong jingman ha NEHU.
 ka ban treikam naduh mynta ka sngi ka 15 tarik Naiwieng, 2024”.){kind=link}