Shillong, Lber 25: U Lat ka jylla u CH Vijayashankar ha ka sngi Balang, u la sam ia ka jingiarap pisa lyngba ka Discretionary Grant sha ki 23 tylli ki shlem jaka pule bad ki kynhun jong ka Jylla haba ban jur ia ka jingdonkam jong kum kane ka jingkyrshan ban pynkhlain ia ki rukom treikam ban kyntiew ia ka roi ka par kaba kynthup lang ia baroh.
U Lat ula pyllait iaka song pisa ba kot T.99,70,000 sha ki nongïoh jingmyntoi kynthup ïa ki kynhun ba treikam halor ka kolshor, ki jaka pule, ki Seng ha ki Shnong ki Thaw, ki seng treimon sngewbha bad ki seng ba khmih iaka kam lehkai.
Kiba la ïoh jingïarap ki kynthup ka Harmini Preparatory Music Academy, Biate Cultural Organisation of Meghalaya, Capt. Williamson Sangma State University nalor ki skul bad seng ba khmih iaka kam lehkai.
Haba kren ha kane ka sngi, u Lat u la pynpaw ka jingngeit skhem ba ka jingiarap kan iarap ban kyntiew ha ka pule puthi, ka jingpynneh pynsah ia ka kolshor, bad ka bha ka miat jong ka imlang sahlang ha ka Jylla Meghalaya.
“Ka jingkyrshan kan leit sha ka lynti kaba jngai ha kaba pynkhlain ia ki jaka pule khamtam shaki thaiñ nong kyndong bad ban kyntiew ia ka roi ka par kaba kynthup lang” la ong u Lat.
Ha kane ka sngi la donlang ruh u Principal Secretary jong u Lat ka jylla u HC Chaudhary.
