Shillong, Nailar 22: Ka Shillong Lajong FC kaba dang bat ia ka nam lahduh ne Champion hynne ka sngi kala pynliem da 5-0 ia ka Malki ha ka Shillong Premier League 2025 kaba la long ha SSA Stadium, First Ground, Polo.
Ka Lajong kala ialehkai bha bad naduh ba kala ioh the pia ka kol kaba nyngkong ha ka ha ka 31 minit lyngba Mebannangkiew Thabah, nangne shakhamt kala bteng ban iai thep kol shuh shuh, ha kaba u Emanbha Marbaniang ula the pia ka kol ha ka 39 bad 51 minit, u Ribor L Lyngkhoi ula thep kol ha ka 47 minit bad u Firstborn Khongsit ula the pia ka kol ha ka minit kaba 84.
Ka Malki kala jop ha ka jingiakhun kaba nyngkong pyrshah ia ka Laitkor da 1-0 katba ka Lajong kala ia khaid da 0-0 pyrshah ia ka Rangdajied United.
U Franklin Surong u nongialehkai uba ialehkai bha naka bynta ka Malki pyrshah ia ka Laitkor, ula pyrshang kat kaba lah ban iada ia ka bol ban ym ioh rung shapoh kol hynrei ym shim la lah satia. Ula ioh ban rynsied bad iada laisien ia ka bol ba kan ym ioh rung shapoh kol hynrei ula mad pat ia ka jingshah thep kol.
Ki nongialehkai ka Lajong kila ialehkai bha ha kaba kila pynkhlain ia ka rukom tur shakhmat bad ruh ia ka rukom ialehkai shadien ban ym aiald ia ki nongialehkai ka Malki ban ioh thep kol haduh ban da kut ka jingialehkai.
Ka Malki kala ioh ia ka kabu kaba biang tam ha ka kylla step, ha kaba u Fashioning Syngkli ula ioh ban rah ia ka bol bad tam ia ki nongap bak hynrei u nongap kol ka Lajong u Wanteilang Malngiang ula leit tur sha u bad kumta u Fashioning ula rah noh ia ka bol sha ka liang kadiang bad pyrshang ban thep shapoh kol hynrei kane ka bol kam shim la rung satia shapoh kol.
Ka Lajong kala iai bteng ban ialehkai bha bad kala ioh ban thep kol biang ha ka kylla miet bad ban rah syndon ia ka jingjop.
Kane ka jingjop kala pynlong ia ka Lajong ban don ha ka kyrdan ka baar da kaba ioh khur 4 point, hadien jong ka Nangkiew Irat kaba la ioh khur 6 point, katba ka Malki, Sawmer bad Mawlai kila ioh mar 3 point.
Ka jingiakhun ha ka sngi Saitjain kan long hapdeng ka Langsning pyrshjah ia ka Rangdajied United ha ka por 4:30 nohphai sngi.
