“Durand Ki Roar,” kan pynshongshit puk ia ka phainal Durand Cup ha Kolkata

Shillong, Nailar 22: Ka jingrwai kaba dei ka Official Anthem jong ka Durand Cup kaba la ai kyrteng “Durand Ki Roar,” yn sa rwai kyrpang ha ka sngi ba pynialehkai ia ka Final kaban long ha ka sngi Saitjain ha Salt Lake Stadium.

Kane ka jingrwai kaba shongshit kadei kaba la shna bad pynwan da u bah Edward Thma na Shillong, ia kaba la tip kum ka nongbah jong ka tem ka put ha India.

Kadei kaba la iohbor na ka Indian Army kum ka jingai burom ia kane ka lympung ialehkai kaba la rim tam bad kaba don nam bad ka jingrakhe ia ka football kum ka bor kaba lah ban wanrah ia ka jingiatylli.

Ia kane ka jingrwai la rwai da ki nongrwai kiba pawnam kiba kynthup ia ka Gracyl Ropmay, Cynda Guri Sangma, Pynsuk Syiemiong bad Antara Choudhury.

Kane ka jingrwai ryngkat bad ki jingtem kiba pynshongshit la nang pynwandur da ka kynhun tem ALIVE. Hadien ba kala don ka jingpyninam ia kane ka jingrwai ha Shillong, ka kynhun ki nongrwai kan leit ban pynshongshit mynta ia ki riewieid football ha Kolkata.

Kane ka jingrwai kadei ruh kaba la iashimbynta kyrpang da 200 ngut ki shipai ha ka jingrwai ia ka khorus kiba la pyrta jam ia ka “Many Champions, One Legacy” bad “Desh ka hai ye tournament,” kala kylla long kaba la pynsngewtynnad bad pynshongshit ia ki paidbah.

Kane ka jingrwai kala kylla long ruh kum ka shap jong ka jingiatreilang hapdeng ka Indian Armed Forces bad ki nongrwai kiba donsap ka Meghalya kiba pyniatylli ia ka ri lyngba ka jingpynsaphriang ia ka jingieid ia ka jingialehkai.

Ka jingdon ka jongka ha ki stadium bad ha ki social media kala pynmih ia ka jingshongshit, pyniatylli ia ka ri lyngba ka kam ialehkai bad ka tem ka put.