Shillong, Mar 6: Ka Nongrim Hills SC hynne ka sngi Palei kala pynrem ia ka Ryntih FC da 6-2 kaba dei ka jingiakhun kaba khatduh ia kine ki ar tylli ki kynhun ka OC Blue Shillong Premier League 2024 kaba la long ha SSA Stadium, First Ground, Polo.
Mar ia sdang ka jingiakhun u Caldolan Kharmawphlang ula thep iaka kol ha ka minit kaba 15 na ka bynta ka Nongrim Hills, hynrei hadien kane ka Ryntih kala ioh ban thep 2 kol, ha kaba u Wanshanlang Dkhar ula thep ia ka 21 minit bad u Basuklang Bina ula thep ia ka kol ha ka 28 minit.
Ka Ryntih kala bteng ban ialehkai bha ha ka kylla step bad watla ka Nongrim Hills kala iakhun tyngeh ban ioh thep kol hynrei kam shym la lah satia ban thep kol.
Ha ka kylla miet ka Nongrim kala bteng ban ialehkai bha bad kala pynjem khnap syndon ia ka Ryntih da kaba ioh thep syndon 5 kol bad ia kitei ki kol la thep da u
Onyxson Buhroy ha ka 66 minit, Oresterwell Langshiang ha ka 71 bad 78 minit, u Mebanshan Suting ula thep kol ha ka 74 minit bad u Banshemphang Kurbah ula thep kol ha ka 85 minit kaba la pynthikna syndon ia ka Nongrim Hills ban khur ia ka jingjop bad ban ih khur ia ka 3 point.
Ka Nongrim Hills kala don ha ka kyrdan kaba 7 bad ka Sawmer SC kala kiew noh sha ka kyrdan kaba 8.
Ka Ryntih kala don sha trai duh bad kala mad iaka jingrem haduh 16 sien ha ka OC Blue SPL 2024.
Ha ka sngi Thohdieng, ka Laitkor SC kan iakhun pyrshah ia ka Nangkiew Irat SC ha ka por 1:45 mynsngi. Ka Laitkor kala jop teng ia ka Nangkiew Irat da 2-0 ha ka 23 tarik u Risaw 2024.
