Shillong, Nailar 31 : Ka Langsning FC ka la ioh ban pynliem haduh 3-1 kol ia ka Shillong Lajong ha ka kylla kaba ar jong ka Shillong Premier League kaba long hynne ka janmiet ha madan Third Ground Polo.
Ia ki kol jong ka Langsning la ioh ban thep da u Kynsaibor Lhuid ha ka minit kaba 22 jong ka kylla step bad kawei ka kol ha ka minit kaba 72 jong ka kylla miet. Ia kawei pat ka kol la ioh ban thep da u Figo Syndai ha ka minit kaba 50 jong ka kylla miet.
Ia ka kol jong Shillong Lajong pat la ioh ban thep da u Gladdy N Kharbuli ha ka minit kaba 53 jong ka kylla miet.
Da ka jingjop ha katei ka sngi ka Langsning ka la don mynta 21 point bad iai neh ha ka kyrdan kaba ar hadien ka Mawlai kaba don hakhlieh duh da ki 26 point. Mynta ka kynhun kaba beh ia ka Langsning nadien dei ka Rangdajied United kaba don 18 point.
Ka jingiakhun ha ka 02tarik u Nailur pat kan long hapdeng ka Mawlai SC kaba don ha khlieh duh ka miej khein point pyrshah ia ka Mawkhar kaba don ha trai duh ka miej khein point kata da ki 6 point.
