Shillong, Kyllalyngkot 06: Ka Shillong Lajong FC hynne ka sngi Nyngkong kala pynrem da 1-0 ia ka Nongrim Hills SC ha ka jingiakhun ha ka OC Blue Shillong Premier League 2024 kaba la long ha SSA Stadium, First Ground, Polo.
Kane ka jingiakhun kala long kaba itynnad ha kaba ka Lajong kala ioh bun tylli ki kabu ha ka kylla step hynrei kam shym la lah pat ban thep shi kol ruh bad kila don 4 ngut ki nongialehkai kiba la ioh ia ka Yellow Card ha ka kylla step.
Ka jingialehkai ha ka kylla miet ruh kala long kaba itynnad hynrei ka Lajong kadei ka kynhun kaba la lah ban ialehkai bha bad ioh bun tylli ki kabu ban thep kol hynrei ki nongialehkai kim shym la lah satia ban thep kol hynrei dei ha ka minit kaba 89 ba u Deibormame Tongper ula ioh thep shi kol kaba la pynthikna syndon ia ka Lajong ban khur ia ka jingjop.
Ka Lajong kala iakhun 7 sien ha ka OC Blue SPL bad kala ioh khur 16 point bad kane ka jingiakhun kadei ruh ka jingialehkai kaba khatduh ia ka Nongrim Hills ha ka wat kaba nyngkong ha kaba kala ioh ban khur 13 point da ka jingkhu ia ka jingjop 4 sien, ka jingiakhaid shisien bad ka jingmad ia ka jingrem 4 sien.
U Deibormame ula ioh 3 tylli ki kabu kiba biang bha ha ka kylla miet hynrei ym shim la lah ban thep kol hynrei ha ka minit kaba 89 ula ioh thep ia ka kol ban khur syndon ia ka jingjop. Katba na ka liang jongka Nongrim Hills, u Alem Khongwir ula pyrshang ban thaw ia ki lad ki lynti ba ki nongialehkai jong ka kynhun kin ioh ban thep kol hynrei kine ki jingpyrshang baroh ki la pulom noh namar ym shim la lah satia ban thep kol.
Ha ka sngi baar, ka jingiakhun kan long hapdeng ka Nangkiew Irat SC pyrshah ia ka Rangdajied United FC ha ka por 2 baje mynsngi bad kine ki ar tylli ki kynhun kidei kiba don mar 12 point.
