Shillong, Iaiong 24: Hadien ka jingrem saw sien lynter, hynne ka sngi Balang ka Sawmer SC kala jop ha ka sien kaba nyngkong ha ka Shillong Premier League 2023 da kaba pynliem 4-0 ia ka Ryntih SC ha ka jingiakhun kaba la long ha SSA Stadium, First Ground, Polo.
Mar ia sdang ka jingiakhun ha ka kylla step, ka Sawmer kala ioh ia ka lad ban thep kol lyngba u Diego Khriam hynrei ym shim la lah ban thep ia ka kol haba u nongap kol ka Ryntih u Dipanjan Debnath ula ioh ban iada iaka bol ban rung shapoh hynrei ha ka minit kaba 27 u Diego ula ioh thep ia ka kol
Ka jingiakhun ha ka kylla miet ruh kala long kaba itynnad hynrei ki rangialehaki ka Sawmer SC kila pyni iala ka jingtbit ka jongki da kaba thep 3 kol lyngba u Lamshaphrang Kurbah ha ka minit kaba 61, u nongialehkai ka Ryntih u Melvin Warjri ula pyrshang ban iada iaka bol ban poi sha u Diego hynrei katei ka bol kala leit rung pynban shapoh kol lajong bad ha ka minit kaba 90 u Rheadolf Daloi ula thep ia ka kkol lyngba ka Penalty.
Ka Ryntih mynta ka don ha ka kyrdan kaba 4 bad kala kamai 7 point, katba ka Sawmer kaba la jop hynne ka sngi kala ioh kamai tang 3 point bad kala ia ryngkat point lang bad ka Nongthymmai SC bad ka Nangkiew Irat SC.
Ka jingiakhun haka sngi Palei kan long hapdeng ka Nongthymmai pyrshah ia ka Langsning ha ka por 3:15 mynsngi.
