Shillong, Nailar 31 : Ia i kyrtong ka BJP na ka bynta ka elekshon shiteng samoi ka Shillong Lok Sabha yn sa shim rai da ki nongialam na Delhi, ong u nongialam ka BJP bad MLA ka Pynthorumkhrah Bah AL Hek ha ka sngi Nyngkong.
“Ia kane ka kam yn sa rai da ki nongialam na Delhi. Ngi la phah ia ka kyrteng ki kyrtong sha Delhi bad ka Delhi kan sa shim rai, ym ka Jylla. Ka State Unitkam don bynta ha ka jingpynbna ia ka kyrteng u kyrtong. Ka hap ban wan na ki nongialam na Delhi” ong u Bah Hek.
Ka State BJP kham hashuwa, kala pynpaw ba ki don khyndai ngut ki kyrteng,kynthup kawei ka Longmie kaba la shah jied kyrteng ban phah sha ka High Command na ka bynta ban shim rai.
