Shillong, Jylliew 22: U Samla Wanbok L Mawphlang bad ka Marqueenless Ramsiej kila jop haka jingiakop haka 5th Shillong 10K Run jong ki shynrang bad kynthei ba pynlong da ka Meghalaya State Olympic Association.
Ka jingiakop mareh kadei kum shi bynta ban ban rakhe iaka International Olympic Day kaba ju pynlong man u bnai haka 23 tarik Jylliew ban kynmaw iaka sngi thaw iaka International Olympic Committee ha u snem 1894.
Ka jingiakop mareh 10km la pynlong ha baroh kawei ka pythei bad ha Shillong ruh la pynlong bad ha kane ka sngi la wan shim bynta da ki nongiamareh naduh ki rangbah bad khynnah.
U samla Wanbok ula wan ba nyngkong haka thup Open Men’s category, bad ar u Iwelljohn Ramsiej bad ba lai u Sainkupar Jyrwa.
Haka thup Open Women’s category, ka Marqueenless kaba wan ba lai ha u snem 2023, mynta u snem kala wan ba nyngkong bad ka Balasiewdor Pathaw kala wan ba ar bad ka Ivanjilin Khongwir kala wan ba lai.
Haka thup 50-plus Men’s event, u Badon Tham ula lah ban jop biang kumba u jop ha u snem 2023, katba u Swonding Mawlong ula wan ba ar bad u Laurence Pariong ula wan ba lai.
Haka liang ka thup 50-plus women’s event, ka Ralinda Marbaniang kala wan ba nyngkong, ka Smarless Marwein kala wan ba ar bad ka Ibameri Shullai kala wan ba lai bad ka nongmareh ba la rangbah tam ka kong Kmoin Wahlang kala wan ba saw.
Iaka jingiakop la kaweh lama da u Assistant Director ka tnat Department of Sports and Youth Affairs Paia B War Nongbri haka jingdonlang general secretary ka MSOA u Bah Finely L Pariat lem bad ki Ophisar ka MSOA.
Ka jingmareh kala sdang na khyrdop jong ka Polo Ground complex bad iaid lyngba ka 4th Furlong, BK Bajoria School, PGT College, Shillong Commerce College, Don Bosco Square, Laitumkhrah Police Point, Laitumkhrah Police Beat House, Fire Brigade, Dhankheti, Barik Point, Civil Hospital, State Central Library, Meghalaya Secretariat, Deputy Commissioner’s Office, Governor’s House, Ward’s Lake, jaka sahi u Myntri Rangbah bad pynkut biang ha Polo.
Iaka song pisa la sam shaki nongjop, kiba wan nyngkong ki ioh T. 5,000, kiba wan ba ar T. 3,000 bad kiba wan ba lai T. 2,000 nalor ka Consolation prizes iaki ba wan ba saw haduh hynriew.
Kiba shim bynta haka jingiakop mareh ki lah ban download iaka certificate naka MSOA website (https://meghalayaolympicassociation.com/) in a week’s time.
