Shillong, Risaw 29 : U Myntri kam Jngohkai Bah Paul Lyngdoh ha ka sngi Ba-ar, ula pyntip ba ka Tnad kan sa shim rain oh shen halor ka jingtyrwa ban pyntreikamm ia ka Reciprocal Transport Agreement (RTA).
Haba iakren bad ki nongthoh khubor, u bah Paul ula ong ba ka jingpyntreikam ia ka RTA ka dei kaba la ai jingmut da ka All Khasi Hills Meghalaya Tourist Taxi Association (AKMTTA).
“U Director ula dep shong jingialang la arsnem bad kane ka Seng. La bthah ia ka (AKMTTA) ban aiti ia ka jingtyrwa da ka jingthoh halor ki jingpynbeit ia kane ka RTA, kaba ki ong ba ka la treikam ha kiwei pat ki Jylla” ula ong.
“Hadien ba ka jingtyrwa kala wan na ki, ngin sa shim ia ka rai hynrei u Director u dang iakren ia ki kynhun bapher bapher” ula kular.
