Shen yn rai ki MLA ka Congress ba shah sospon halor ka elekshon President

Date:

Share post:

Shillong, Naitung 8 : Ki san ngut ki MLA ba la shah sospon shen kin sa shong pyrkhat na ka bynta ka elekshon President kaban long ha ka 18tarik uNaitung mynta u snem, hadien ba ki khlem shah khot ban don lang ha ka jingialang kaba la pynlong na ka bynta ban kyrshan ia ka kyrtong jong ka NDA, ka Draupadi Murmu.

“Kum ka kynhun jong ki san ngut ngin sa shong pyrkhat halor kane,”ong ka nongialam jong ka Congress Legislature Party (CLP) ba la shah sospon, Kong Ampareen Lyngdoh haba kren bad ki lad pathai khubor.

Ka la iathuh ruh ba kitei ki san ngut kiba shah sospon mynta ba kynthup naduh u MLA ka Mawlai, Bah Process T Sawkmie, Bah Mayralborn Syiem, Mohendro Rapsang bad Bah Kimfa S Marbaniang ki la dap da ka jingsngewsih ba ki khlem shah khot langha katei ka jingialang ba khot da ka BJP ha Orchid Lake ha ka 06tarik mynta u bnai.

Halor ka jingkylli, la kin ym leit ban thep vote, katei ka MLA ka la ong, “Lada kim donkam ia ka vote jong ngi, katta kadei da kawei pat. San vote kadei kaba rit bha lehse, tangba kam long kaba sngewtynnad namar ngi ruh ngi don lang ha ka MDA, hynrei mynta pat ka pynpyrkhat hadei ngi don mynta. Kumta kane ka jinglong jingman ka pynkulmar tangba ngin sa shim pat ia ka rai kaba donkam ha ka por kaba biang bad ngin sa pyntip.”

Nalorkata, katei ka nongialam CLP ba la shah sospon ka ong ruh ba katei ka jingjia ka pynshisha ba ki Congdress MLA kim treilang bad ka BJP.

“Kumta, kumno ka Congress kan hylla shaphang kane haba ngi ruh ngi khlem shah khot namar ngi dang don ha ka shap Congress, ka long kaba sngewsih,” ka la bynrap biang.

Halor ka rai ba ka BJP ka shim ban pynieng da ka kyrtong riewlum ha kane ka elekshon President, katei ka MLA ka la pynpaw ia ka jingkmen ban iohi ba ka BJP sa shisien pat ka la pynlyngoh ia ka ri da kaba shim ia katei ka sienjam khamtam da kaba sei ia ka longkmie bad kata ruh da ka riewlum.

“Kadei ka sienjam kaba khring ia baroh, kumta ngi ruh ngi la pyrkhat ba ngin leit lang ha kajuh ka lynti hynrei mynta pat namar ngim don hangne ne hangtai, kumta ngi hap ban sa shim ia ka rai,” ka la ong.

Haba kren pat halor ka jingbym lah jong ka BJP ban iaid la ka long ia ka politik, katei ka MLA ka la ong, “Kim pat lah ban kiar ia ka ishu politik bad kane ka pyni ia ka nongrim ba ngi ieng ha ka MDA ba ngi khlem treilang bad ka BJP kumta kyndit bynriew ki paid Meghalaya bad kynmaw ba ngi khlem treilang bad ka BJP. Kane hi ka pyni halor ka jingbym khot jong ki ban pynithuh ia ka kyrtong president bad phim lah ruh ban kyntait ia ka jingshisha.”

“Nga kwah ban ong ba lada nga dei ban long ka President, nga tikna ba ngan pyrshang ban pynkohnguh ba ia ki mat treikam jong ka dei ban pyntreikam bad ruh ba ki jingthrang jongnga ba kin urlong, kumta kine kiei kiei baroh tang ka por kan batai.”

Share post:

spot_img

Popular

More like this
Related

IED explosion rocks Jiribam, no casualties reported

Imphal, Mar 29: Ahead of Lok Sabha elections, a...

Villager killed in elephant attack near Garobadha

Tura, March 29: A villager has lost his life...

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...