Shillong, Naitung 08: Ka Nongialam ka Congress Legislature Party (CLP) ba shah sospon Kong Ampareen Lyngdoh hynne ka sngi thohdieng kala ong ba u President ka Meghalaya Pradesh Congress Committee (MPCC), ma Vincent H Pala ula bthah ia baroh 5 ngut ki MLA ba shah sospon ba kim dei ban wan phai biang sha ka Party Congress.
“Ym pat don satia na ki MLA ba shah khot, hynrei u President ka MPCC ula ong ba kim dei shuh ban wan phai biang napdeng ki 5 ngut ki MLA namar kin ym ioh long shuh ki kyrtong ka party Congress” ong I Kong Ampareen haba iakren bad ki nongthoh khubor.
I Kong Ampareen ha ryngkat bad saw ngut ki MLA- PT Sawkmie, Mayralborn Syiem, Kimfa S Marbaniang bad bah Mohendro Rapsang kila shah sospon n aka Congress halor ka rai ban leit kyrshan ia ka Sorkar MDA ba kyrshan da ka BJP.
“Ngi don satang artylli ki lynti hakhmat jong ngi- la ngin lum ngin lang noh bad shongthait noh lane la ngin ieng rasong biang na kaei kaba long ba man mynta” ila ong.
I Kong Ampareen I ong ba ka Congress ka dei ban peit ia ka rai jong ka BJP ban nym khot ia kine ki 5 ngut ki MLA sha ka jingialang ban pan jingkyrshan ia ka kyrtong ka NDA ban iakhun ia ka elekshon President. “Shaei ka thit jong ka BJP ka don ha ngi” kala buh jingkylli.
