Shillong, Jymmang 07: Ka Integrated Command & Control Center (ICCC) bala pyntrei hapoh ka Shillong Smart City Project bad ba bei tyngka da ka Ministry jongka Housing bad Urban Affairs ka Sorkar India, yn sa pyndep noh shen ha ka jinglut jingsep kaba kot T.151.77 Klur na ka bynta baroh kawei ka ICCC ym kumba la kam ha ki rynsan Social Media ba la bhah T.150 Klur tang ban pyndait ia 300 tylli ki CCTV.
Ka ICCC kan kynthup ia ki ophis treikam jongka ICCC, ka ICCC Platform bad kiwei pat ki Software, Data Centre (DC) bad ka Radio Frequency Network (RFNW).
Nalor kitei ki jingdonkam, ka nongbah Shillong kan sakhi ruh ia ka jingkyntiiew ha ka jingpyndonkam ia ki kor teknoloji da ka jingpydait ia ki tiar ki tar kiban kynthup ia 368 tylli ki CCTV Camera (ban peitngor bad khmih ia ka jingiaid ki kali), Emergency Call Box (ECB) 42 tylli, Public Address System (PAS) 58 tylli, ka Variable Message Displays (VMDs) 20 tylli, 300 tylli ki Streetlights (LED / Smart Lights bad ki Light Point Controller, LPC) 60 tylli ki Public Wi-Fi Hotspots, 50 tylli ki GPS ban buddien ia ki kali jongka Solid Waste Management (SWM) Vehicles bad 200 tylli ki Smart Bin.
Ka ICCC ka ban dei ka jabieng jong ka plan ban pynwandur bad treikam hapoh ka Nongbah, kan long kum ka shlem jong ka jaka pdeng halor ka jingtreikam treijam kynthup ia ka jingpeitngor, Data Processing, Emergency Response Coordination bad Smart City Applications.
 bala pyntrei hapoh ka Shillong Smart City Project bad ba bei tyngka da ka Ministry jongka Housing bad Urban Affairs ka Sorkar India, yn sa pyndep noh shen ha ka jinglut jingsep kaba kot T.151.77 Klur na ka bynta baroh kawei ka ICCC ym kumba la kam ha ki rynsan Social Media ba la bhah T.150 Klur tang ban pyndait ia 300 tylli ki CCTV.){kind=link}