Shillong, Jymmang 07: Ka Rangdajied United FC kadei ka kynhun ialehkai kaba nyngkong eh ban ioh rung sha ka Final jongka Shillong Premier League 2023 da kaba pynrem hynne ka sngi Baar ia ka Shillong Lajong FC da 1-0 ha ka jingiakhun ha ka Semifinal ha SSA Stadium, First Ground, Polo.
U Arlangky Nongsiej ula thep ia ka kol ha ka minit kaba 31 lyngba ka Penalty ia ka Rangdajied United ia kaba u nongapkol ka Lajong u Wanteilang Malngiang ym shim la lah satia ban iada ia kabol ban rung shapoh kol.
Kane ka jingioh penalty kadei hadien ba u Henry Nongneng ula woh ia u Robert Khongjoh jong ka Rangdajied hapoh ka jylli jongu nongapkol bad kane ka kol kaba la thep ha ka kylla step kala pynlong syndon ia ka Rangdajie ban ioh rung sha ka Final jong ka SPL.
Kine ki ar kynhun kila dep ban iakhun teng ha ka 13 tarik u Iaiong, ha kaba ka Rangdajied kala pynrem ia ka Lajong 2-1.
Ka Rangdajied mynta kan ap ban tip iano kan iakhun pyrshah ha ka Final hadie nka jingiakhun hapdeng ka Mawlai SC pyrshah ia ka Langsning FC kaban long ha k ansgi Balang ha ka por 3:15 mynsngi.
Hyne ka sngi la sakhi ba ki nongialehkai ka Rangdajied kila ialehkai jai jai bha ia kaba kim shym la leh kyrkieh ban rah ia ka bol ban ioh thep kol bad hadien ba kila ioh thep iaka shi kol kila pynskhem ia ki nongialehkai shadien bad kila ialehkai ban bat slem ia ka bol khamtam ha kaban ialeh ban ioh thep kol shuh shuh.
Ka Lajong kala pyrshang ban ioh ban thep kol hynrei haba u Deibormame Tongper u nongailehkai uba la ioh thep bun kol tam ha ka SPL ymshim la lah ban thep kol eiei lyngba ki 3 tylli ki kabu ksiar kiba ula ioh bad wat u Rimankhraw Kharumnuid ula pyrshang ban thep ia ka kol hynrei u nongapkol ka Rangdajied u Banshanskhem Kharsyntiew ula ioh ban iada ia ka bol ban rung shapoh kol.
