Shillong, Naiwieng 04 : Ka Dr Mazel Ampareen Lyngdoh, Myntri barim ka Sorkar bad MLA ka NPP na East Shillong, kala shah thung kum ka nongaibuit jong ka Sorkar Meghalaya Democratic Alliance (MDA).
Kan ioh ia ki jingmyntoi bad ki jingdonkam hapoh ka category “A+”, kat kum ka Office Memorandum jong ka Tnad Finance ba mih ha ka 17 tarik Nailar, 2023.
Ia kane la pyntip da u Commissioner & Secretary in-charge Planning, Investment Promotion & Sustainable Development department Bah CVD Diengdoh ha ka jingpynbna ba pynmih ha ka 3 tarik Naiwieng.
Kane ka jingthung kala wan jia hadien ka jingpynduh noh ia ka jingthungkam ia u Myntri Rangbah barim ka Jylla Dr. D.D Lapang, hadien ka jingkhlad noh jong u.
Ka Kong Ampareen, kala shakri kum ka Myntri Sorkar ha ka Sorkar MDA bad bat ia ki tnad kum ka Tnad Agriculture, Health bad Information & Public Relation.
.){kind=link}