Shillong, Lber 26: Ka Kynhun Myntri hynne ka sngi Balang kala mynjur ban thung ia ka Chief Secretary barim ka jylla ka Kong RV Suchiang kum ka State Chief Information Commissioner (CIC) bathymmai naka bynta 3 snem.
Haba iakren bad ki nongthoh khubor, u Myntri ka Sorkar Jylla u Bah Paul Lyngdoh ula ong, “Mynta ka sngi ka Kynhun Myntri kala ai ia ka jingmynjur ia ka jingtyrwa ban thung ia ka Kong RV Suchiang ka IAS kaba la shongthait na ka kam kum ka State Chief Information Commissioner bathymmai na ka bynta 3 snem”.
Ula ong ba ka kam ha ka kyrdan Chief Information Commissioner kala long thylli noh hadien ba u heh IPS ophisar uba la shongthait na ka kam u Bah H Nongpluh ula shongthait noh ha ka 14 tarik u Naiwieng 2024.
